Við Hjálmar Ingi erum búin að vera í Rvk í tæpa viku en Egill var helgina. Fórum á föstudagsmorguninn og á leiðinni komum við að slysi. Maðurinn hafði kastast út úr bílnum í veltunum en hann hafði verið að taka fram úr og það var svakaleg ísing á veginum. Við hlúðum að manninum og ég sá um andlegu hliðina, þ.e. ég talaði við hann og hélt honum við efnið. Þegar við komum var hann rotaður og maðurinn sem horfði á slysið sagði við okkur að hann væri dáinn eða að deyja. Ég er enn jafnhissa á því hvað ég stóð mig vel. Fékk fyrst algjört sjokk og gat varla andað og hélt að það væri að líða yfir mig. En svo komst ég yfir þetta og hlúði að manninum í þessar 20 mín. sem liðu þar til sjúkrabíllinn kom frá Borgarnesi. Hann var svo fluttur með þyrlu frá Borgarnesi til Rvk. Í fréttum kom að hann hafi ekki verið í lífshættu og ekki í öndunarvél. Svo þetta fór allt saman betur en á horfðist í fyrstu. Hann var mér þó efst í huga nokkra daga á eftir og ég hugsaði varla um annað. Ég fékk svo þær upplýsingar á mánudaginn hjá spítalanum að hann væri útskrifaður. 
Eftir það var ég róleg.
Við vorum síðan að stússast heilmikið um helgina. Fórum í Ikea og keyptum skrifborð svo ég geti nú verið dugleg að læra en ég er að taka 8 einingar í fjarnámi í FÁ, íslensku 403, ensku 503 og upplýsingatækni 102. Kíkti inn á WebCT í gærkvöldi og fékk sjokk...ég þarf að vera ansi dugleg í lærdómnum...komin slatta eftir á! 
Svo keyptum við prentara, rafmagnstannbursta og ýmislegt svona sem vantaði.
Á föstudagskvöldið vorum við með Söndru Björk og Signýju Maríu og við kíktum á handboltaleikina hjá Söndru. Hún er ekkert smá öflug í markinu!!! Keppnisskapið sko í lagi! 
Við leigðum svo mynd og keyptum nammi og svona. 
Um hádegið á laugardaginn drifum við okkur svo í afmæli til Bryndísar Hrannar. Hún er orðin 13 ára!!! Til hamingju með afmælið Bryndís!!! 
Hjálmar Ingi fór svo með Sigríði og co. en hún bauðst til að passa og við fengum íbúðina hennar og alles. Við ætluðum að fara voða rómó út að borða en það varð ekkert úr því og við enduðum á Subway því við vorum að drífa okkur til Róberts og Steffi í partý. Ég fékk Oddnýju og Ásu Birnu með í partý...voru báðar alveg óðar í að fá að djamma með mér...híhí...enna er maður svo sjaldan í bænum til að djamma, hef ekki gert það svkalega lengi!!! Fórum svo niður í bæ og það var svaka stuð.
Á sunnudaginn tæmdum við geymsluna í Möðrufellinu og um kvöldið dreif Egill sig svo heim en við Hjálmar Ingi vorum eftir hjá mömmu og pabba.
Ég fór til tannlæknis og það var rifinn úr mér eitt stykki jaxl sem er búið að standa til í að verða ár. Hann vildi svo fá mig aftur og taka hinn líka en ég leyfði honum það ekki...þarf bara að koma aftur innan hálfs árs í það svo plönin okkar gangi upp. Svo gerði hann við eina tönn.
Hjálmar Ingi fór til ofnæmislæknis og var rosalega duglegur í ofnæmisprófinu. Það var gert á hendinni á honum og honum fannst allra verst að þurfa að bíða í þessar 10 mínútur meðan prófið var gert. Ég hélt honum rólegum með því að syngja og svona. En í ljós kom að hann er ekki með ofnæmi heldur bara óþol. 
Sem er mikið betra því þá má hann fá súrmjólk og jógúrt og gouda ost. Það er nefninlega búið að brjóta niður laktósann í því en hann ræður ekki við það sjálfur. Það eru enn jafnmiklar líkur á því að það eldist af honum en við megum ekki vera of bjartsýn samt.
Við fórum svo í heimsókn til Hönnu Láru og Hrafntinnu Máneyjar og við pöntuðum pizzu. Hjálmar Ingi og Hrafntinna léku sér mikið saman og skemmtu sér mjög vel og okkur Hönnu Láru fannst rosa gaman að sjá hvað þau voru góð saman. Ótrúlegt hvað Hjálmar Ingi er orðinn fullorðinn!!! hehe...
Mamma kom svo með okkur í bæinn því amma er mikið veik.
Mamma er svo að fara út svo hún vildi vera hjá mömmu sinni eins og hún gæti áður en hún færi. Pabbi kemur svo að sækja hana í dag.
Hjálmar Ingi var svo ægilega kvefaður í nótt og fékk að sofa upp í hjá okkur. Ég dreif mig svo á fætur með honum og leyfði Agli að sofa út. Svo kom Hiddi bróðir mömmu og fékk hjá okkur morgunmat og keyrði mömmu svo á spítalann til ömmu en hann var hjá henni í nótt.
Við förum svo á þorrablót í kvöld...namm namm...hákarl, harðfiskur og sviðasulta...mmm...
Ég er alltof ódugleg við að skrifa hérna! En þið eruð líka ekki að standa ykkur í athugasemdunum! 
Ég sit hérna í Lazy boy að drepast í hálsinum! Átti að vera að vinna í kvöld en klukkan 2 þá var ég að teygja mig...svona svakalega að það small eitthvað í hálsinum á mér! Eftir það gat ég ekki hreyft á mér hausinn. Ég hélt fyrst að ég hlyti að vera með klemmda taug og tók tvær íbúfen og reyndi að liðka mig. Hringdi í Læknavaktina í Rvk og hjúkkan sem ég talaði við sagði mér að ég yrði bara að taka íbúfen fast og að þetta tæki bara tíma. Svo talaði ég við konu úr vinnunni sem er yfir núna og hún sagði mér að hringja í 112 og fá samband við vakthafandi lækni hér í Stykkis svo hann gæti greint þetta og ef hann vildi jafnvel kíkja á mig. Ég gerði það og hann sagði að þetta væri líklega ekki klemmd taug heldur eitthvað í hálsliðnum. Hann sagðist ætla að hringja upp á deild og þar fengi ég sterkari verkjalyf og vöðvaslakandi. Ég lagði mig eftir að hafa fengið þessi lyf og svaf í 2 tíma. Ég er enn að kálast!
Bóndadagurinn var í gær og ég hefði nú ekki fattað það ef ég hefði ekki farið inn til eins manns í vinnunni í fyrrakvöld þar sem hann var búinn að rífa af dagatalinu svo morgundagurinn blasti við mér og þar stóð skýrt og greinilega: "Bóndadagur". Ég gat því varla sofnað um nóttina því ég var alveg tóm með hvað ég ætti að gera fyrir Egilinn minn...En þetta heppnaðist bara vel...fór í Sjávarborg (alt muligt búð hér í bæ) og keypti bók sem heitir "Yndislega ástin mín"´. Ég rétt gluggaði í hana og sá að þetta passaði allt voða vel við ástina mína. Svo keypti ég bolla sem á voða vel við hann líka en ætla ekkert að hafa það eftir hér...hehe...
Árshátíð bæjarstarfsfólks var svo fyrir tveimur vikum og það var rosa fjör...skemmti mér konunglega! Við vorum bara 4 sem mættum af Dvaló!!!! Ég ákvað að smakka hreindýrapatéið sem var í forrétt og það var voða gott en sem betur fer fór ég varlega í þetta því ég fékk HAGL! jebb....ef ég hefði nú bitið í það hefði farið í verra! Ég lét kokkinn nú bara fá þetta aftur og sagði honum að hann gæti þá bara notað það aftur! 
Við héldum upp á afmælið hans Hjálmars Inga síðustu helgi og það heppnaðist bara voða vel Það voru 25 manns sem komu og samt komust ekki nærri því allir! Hjálmar Ingi naut sín þvílíkt og fékk sko að smakka alls konar sem hann hafði ekki fengið áður! Kornflekskökur og skúffuköku með bláu glassúri og skreytt með hlaupböngsum (Hjálmar Ingi 1 árs stóð með hlaupböngsum). Það voru 2 brauðréttir og svo brauð með pestó, ostum og sultu og eitthvað. Vorum með Cars þema því Hjálmar Ingi er algjör bílakall. Svo hann var að gera bílahljóðið sitt allan tímann... Þægilegt að hafa bara plastglös, -dúk og -diska...bara hægt að henda þessu öllu saman og ekkert ´"raða í uppþvottavélina" rugl!
En héðan er annars ágætt að frétta bara...fer að standa mig betur í blogginu og þá sleppiði við þessar löngu færslur! svo verðið þið að vera dugleg í kommentunum líka...bara eitt komment á síðustu færslu og það eru 12 daga síðan ég setta hana inn....suss á ykkur bara!
Ég fékk hana Sólveigu mína til að skipta við mig um vakt svo ég yrði ekki að vinna á afmælisdaginn og við fjölskyldan fórum út að borða, var samt voða heimilislegt og vorum bara að spjalla við kokkinn og svona. Hjálmar Ingi fékk kjúkling með hrísgrjónum og smá súrsætri sósu. Það er ekki á matseðlinum en hann Summi á Fimm fiskum útbjó það fyrir hann út af ofnæminu :) Ég átti það líka alveg inni hjá honum því ég fékk hagl í hreindýrapatéinu mínu á árshátíðinni...hehe... Svo fékk Hjálmar Ingi annanashlunk í eftirmat og borðaði 2 pínulitla bita af honum...fannst þetta kalt og skrýtið
En hann ákvað að þetta væri dagurinn til að byrja að taka nokkur skref milli hluta og metið hjá honum er 5 skref og gerði hann það náttúrulega í dag. Í gær var metið 3 skref :p Svo ég er ekkert smá stolt.
Ótrúlega skrýtið að hugsa til aðstöðunnar sem maður var í fyrir akkúrat ári síðan og svo hef ég verið í dag þegar klukkan er eitthvað ákveðið, eins og kl. 8, þá hugsaði ég: " vá, fyrir akkúrat ári síðan var ég að byrja að rembast" svo kl.11: "vá, núna var ég fyrir akkúrat ári síðan í keisara og Hjálmar Ingi kom í heiminn!" og kl.2: "vá...fyrir ári síðan sá ég hann í fyrsta skiptið og fékk hann í fangið!". maður er óneitanlega snortinn og það er skrýtið að hugsa út í þetta
En þessi færsla er ætluð Hjálmari Inga, segi seinna frá árshátíðinni og heimsókn mömmu og bræðra minna og mörgu fleiru þar sem ég hef ekki verið allt of dugleg að blogga
Aldrei hefur liðið svona langt milli færslna! Lítur út fyrir að Hjálmar Ingi sé stórslasaður en þetta var mikið minna en búist var við og hann var búinn að jafna sig 4 dögum seinna.
En við erum flutt, búin að vera í þessari fínu íbúð í að verða mánuð. Hún er 93 fm og Hjálmar Ingi með sérherbergi. Stórt baðherbergi, stórt þvottahús og geymsla og þetta er 5 ára gamalt hús svo það er allt nýtt hér.
Núna rétt áðan komumst við að samkomulagi með sölu á íbúðinni og leigjandinn okkar mun kaupa hana. Svoleiðis að nú borgum við bara niður skuldir og leggjum svo fyrir. Ætlum að vera áfram í þessari æðislegu íbúð sem við erum í. Værum samt alveg til í að kaupa hana ef hún færi á sölu!
Við erum búin að gera allt fyrir jólin og eigum bara eftir að senda pakka norður á Krók , senda kortin og pakka inn nokkrum gjöfum og þá er barasta allt komið! Ég er búin að baka 3 sortir og ein er búin! Kurltopparnir kláruðust fljótt! Eigum ennþá til piparkökur og spesíur með súkkulaði.
Jólaplanið okkar er að fara suður til mömmu og pabba á aðfangadag þegar ég er búin að vinna um hádegið og vera fram á þriðja í jólum því þá fer ég að vinna. Það er bara vonandi að við fáum almennilega færð!
Það sem á daga okkar hefur drifið undanfarið:
* Ég er komin með permanent. Voða sæt og fín með liði.
* Fórum suður og eyddum öllum peningunum okkar í jólagjafir og mublur í herbergið hans Hjálmars Inga.
* Hjálmar Ingi er voða mikið að babbla og koma allskonar orð út úr honum. Er meira að segja farinn að herma. Hann segir: Mamma, átta (Ásta), amma, afi, isa (kisa), tsss (líka kisa), dess (kex), namm namm, batti (bolti), hetta (þetta)...man ekki meira í augnablikinu og takið eftir...ég er EKKI að GLEYMA "pabbi" því hann barasta segir það ekki! Hann veit alveg hvað og hver þessi pabbi er...hehe...en hann kallar hann bara líka mömmu...finnst það greinilega ágætt samheiti fyrir okkur.
Æ ég man voða lítið hvað er búið að vera í gangi hjá okkur annað en flutningar og eitthvað. Svo ég segi bara tútilú! Blogga ábyggilega fyrir jólin en ef ekki þá er um að gera að segja líka:
Hann steypti sér úr RIMLArúminu sínu. Svo ég er búin að kaupa nýtt rúm og mamma fer að sækja það í kvöld og við fáum það svo við fyrsta tækifæri...hugsa að við skreppum bara eftir því um helgina. En ég hringdi á spítalann og athugaði hvort ég gæti fengið að koma með hann og mér var sagt að koma bara með hann snöggvast. Hann er líklega með brákað rifbein þessi litla elska Beinin eru svo mjúk að þetta ætti að vera fljótt að gróa. Hann háskælir ef hann er tekinn upp með því að taka um brjóstkassann svo nú er hann tekinn upp á mjöðmunum. En það eru framfarir frá því í gær...hann er farinn að skríða. Vældi fyrst en svo lét hann sig hafa það. Hittum svo nokkra af heimilisfólkinu og allir voru voða skotnir í litla snúðinum mínum ég er ekki frá því að mér líði hreint frábærlega yfir góðverkinu mínu...hún var svo svakalega ánægð!